Kirol Zerbitzua

Gaur ekainak 9 arratsaldeko 18:30etan tabakoa eta tabakismoaren inguruko hitzaldia izango dugu MUko Goi Eskola Politeknikoko fakultatean. Tabakoa eta Mitoak izenburupean, Maider Sierra tabakismoan espezialista etorriko da, gaur egungo arazo handi honen inguruan hitzegitera.

Ni ez naiz erretzailea baina erretzaile dezente ditut inguruan eta badakit erretzeari uztea ez dela batere erraza. Horregatik bereziki, pentsatu du Kirol Zerbitzuak osasuna sustatu nahian, profesional batek bideratutako hitzaldi bat antolatzea.

Agian ez dira data egokiak baina aurrerago ere saiakera egingo dugu gure ikasle eta lankideek tabakoa uzteko lehen pausoa unibertsitatean eman dezaten.

Gai honen inguruan informazio gehiago nahi izanez gero bi webgune  hauek bisitatu ditzakezu:
 http://www.todocancer.com/ESP/Informacio…

 http://www.porquenosotrosno.org/web/

Mendi lasterketa berezi baten inguruan hitzegin behar dugu gaurkoan, asteburu honetan bizkaiako kostan Kosta Trail lasterketaren 5. edizioa beteko baita. Lasterketa berezia, mendi lasterketa  izanik itsasoa baita korrikalariek begiaurrean daramatena 31km luzeetan.

Kosta Trail

Goizeko 9:00etan abiatuko dira korrikalariak La Galeako itsaslabarraren magaletik, Arrigunagako hondartzatik. Partehartzaileek izango dituzten ingurune ikusgarri hauek lagun izan beharko dituzte lasterketan zehar aurkituko dituzten zailtasunei aurre egiteko. Izan ere, lasterketaren desnibelaz gain(-+ 1900m) aurkituko dituzten lurzoru ezberdinak ere  gainditu beharko dituzte korrikalariek eta; zementua, belarra, area, hondartza…. Gorlizeko hondartza gurutzatu ondoren korrikalariak azken maldari ekin beharko diote Ermuamendiko tontorrera iritsi arte (292m). Azken igoera hau berezia eta zorabiagarria da Kabo Billanoko Itsasargi ondoan dauden lurpeko bunkerrak zeharkatu behar dituztelako korrikalariek. Puntu gorenetik korrikalariak Plentziako helmugara abiatuko dira karreraz  eta inguruneaz gozatuz.

Bunkerra

Kosta Trail-ak ere baditu berezitazun batzuk, 31km-ko lasterketa bat izateaz gain 20km-ko mendi martxa bat edota 12km-ko martxa familiar bat egiteko aukera ere ematen baitu. Beraz, adin eta egoera guztietako pertsonak egiteko lasterketa edo martxa bat da eta norberak nahi duen helburua ezarri diezaioke lasterketari; errendimendua, autosuperazioa, egun pasa, aisialdia….

Martxa

Gainera ekitaldi solidarioa ere bada, izen emateekin lortutako diru guztia lekuko ongintzazko ekintza batera bideratzen baita. Aurtengo edizioan, bildutako dirua Esklerosi Anizkoitza Eugenia Epalza Euskal Fundaziora bideratuko da.

Ea MUko ikasle edota lankiderik aurkitzen dugun bertan.

Maiatzaren 28a, ostirala. Goizeko 9:30etan Donostiako Atano III frontoian elkartu ginen Gipuzkoako Herri Kirolen topaketak ospatzeko. Urtero ospatzen dira topaketa hauek eta urtero MUk hainbat ordezkari eramaten ditu Euskal Kulturan murgilduta ospatzen den jaiegun honetara. Aurtengoan sorpresa galanta izan genuen, guztira MUko 8 taldek hartu baitzuten parte topaketa hauetan.  70 bat lagun joan ginen Atano IIIra, batzuk autoz besteak autobusez, Irunetik, Goierritik, Eskoriatzatik eta Arrasatetik.

Talde bakoitzak kolore bateko zapia lepoan jantzi eta han ziren jokoak noiz hasi zain. Trikitixaren doinuarekin batera aurkezpena egin eta jai giroan hasi ziren topaketak.

Sokatira, lokotsak, txingak, saku lasterketa, ingudea, harri jasotzea, arrauna, egur pila eta toka izan ziren gure ikasleek egin zituzten probak. 8 pertsonako taldeak, beraien artean antolatu eta elkarrekin lehiatzeko prest!! Saria 6000€ko txekea bidaia bat antolatu eta taldean disfrutatzeko.

10 talde lehiatu ziren, horietatik 8 MUkoak. Goiza guztia leihan eta dantzan, jai giroan,  aritu ondoren podiumera igotzeko ordua iritsi eta han ziren MUko 3 talde.  Hirugarren sailkatua Goierriko taldea,  bigarren sailkatua GEPeko Berdin dit taldea eta txapeldunak HUHEZI 2 taldea.

Egun polita izan zen, antolaketa txukuna eta parte hartzaileen jarrera bikaina, proba tarteak dantzarako erabili genituen  eta guztiok elkarrekin aritu ginen egunaz disfrutatuz.

Amaitzeko MUko parte hartzaile guiztiok Xantira joan ginen elkarrekin bazkaltzera eta eguna ondo bukatzera.

Ea hurrengo urtean errepikatzerik daukagun!!!

Ikasturte honetako argazki lehiaketari talde ideia eman nahi izan diogu. Hainbestetan aipatutako talde hitzak, bertan sortzen diren harremanak, kolaborazioa eta elkarlan hori isladatzen dituzten argazkiak ikusi nahi genituen, eta hemen ikusi ditzazkezue aurkeztu diren lanak.

Zuen bozkak hiru lanik onenak erabakiko dute.

Lanak, proiektuak eta aurkezpenak ugari diren garai honetan, M.U.ko hiru ikaslek izan edo izango dira Espainiako Unibertsitate Kirol Txapelketetan.

Lehenengoa, Iñaki Zabaleta, EZF Irungo ikaslea izan zen. Euskadiko Txapelketan parte hartu eta irabazi bazuen ere,  Espainiako Txapelketan parte hartzeko, gutxienez bigarren maila nazionalean jokatu behar du. Berak Lehengoan jokatzen du, beraz izena eman eta Valladolid-era joan zen beste unibertsitateko ikasleekin lehiatzera. Lehengo aldia zenez, partidua urduri hasi zuen, eta berdinduta egon zen partidua galdu zuen. Espero datorren urtean suerte hobea izatea.

Hurrengoa, Ibon Soto, GEP Goierriko ikaslea izango da. Honek igeriketan parte hartu behar du Donostian, non CSD-k jarritako marka minimak azken urtean lortu dituela ageri behar duen parte hartzeko. Bere probak 50m eta 100m bular estiloan dira, maiatzaren 4ean jokatuko direnak. Suerte on igerilariari.

Azkena, Ander Ormaetxea, GEP Arrasateko ikaslea izango da. Honek triatloian parte hartuko du Alikanten. Kasu honetan,federatuta dagoela eta lehiatzen duela ageri behar du parte hartzeko. Bidaia, EHU eta U. Cantabria-ko lagunekin egingo du, maiatzak 7an San Juan-eko hondartzan eta inguruetan lehiatzeko. Suerte on berari ere.

Txapelketa hauen berri aurrerago izango duzue.

Oraingoan surfaren inguruan hitzegin beharra daukagu. Ikasturte hasieran Zarautzeko Surf Eskolaren eskutik ikastaroa egin genuen eta primeran aritu ginen 12 bat lagun, olatuekin borrokan eta itsasoarekin gozatzen. Neguan ez dugu surf ekintzarik egin, gogorra izan baita aurtengo negua eta uretan sartzea ez da gauza erraza izan. Jada, udaberrian gaude eta poliki poliki itsasoan sartzen hasiko gara berriz ere.

Hala ere, gure artean badira surflari batzuk neguan ere uretan beraien taulekin olatu gainean dantzan aritu direnak. Surflariak dira eta hori dela eta  Uhaina Classic (Frantziako Unibertsitate arteko Surf Txapelketa) txapelketako finalera gonbidatuak izan dira. Lore Eizagirre (HUHEZI), Iñigo Idigoras (EZF) eta Fernando Ferrao (EZF) dira gure surflariak eta apirilak 9-10-11 bitartean Anglet-eko hondartzetan lehiatuko dira frantziako unibertsitateko surflari hoberenen artean.

Inigo Idigoras –           Lore Eizagirre -        Fernando Ferrao

Gure surflariak  ikusi nahi badituzue hona hemen aurkitu ditugun bideo batzuk:

Lore Eizagirre

Fernando Ferrao

Bideoak ikusi ondoren kirol hau probatzeko gogoa izanez gero, maiatzean irteera bat antolatuko dugu. Hala ere, talde bat osatuz gero etorri gugana eta eguna eta ordua adostuko dugu Zarautzeko Surf Eskolakoekin batera.

Oporretatik bueltan emango dugu lehiaketan gertatutakoaren berri.

Ondo pasa eta zorte on!!

Mondragon Unibertsiatetako errugbiko taldea Madrilen izan da martxoak 15-17 bitartean. Euskadiko Unibertsitate arteko txapelketan eskurtatu zuten bertan parte hartzeko aukera. Madrilekoa, Donostin izango den finalera sailkatzeko fasea izan da eta bertan 8 taldek hartu dute parte. Gure taldean Ramon Llull Unibertsitateak , Granadako Unibertsitateak eta  Oviedoko Unibertsitateak parte hartu dute gurekin batera. Puerta de Hierroko instalakuntzetan jokatu dira partida guztiak eta denbora librean Madrileko hiriburuaz gozatzeko aukera ere izan dute partehartzaileak.

19 jokalari eta entrenatzaileak osatzen zuten taldea. Batzuek errugbilariak besteak aldiz futbolari, saskibaloilari edo pelotariak, denetik. Gure pitxitxi Adur Arratibel futbolaria da, alegia. Hurrengo urterako jokalari gehiago biltzea nahiko genuke, 3 egunetan 3 partidu jokatzea gogorra izan baita eta nekea eta lesioak asko nabaritzen dira.

Beste barik, hona hemen txapelketare bideo laburpen bat.

M.U. Rugby

Eta hau fitxatzen badugu?

Jonah Lomu (ikusi bideoa)

Ikusgarria, sinestezina, ikaragarria atzo Gasteizeko Bruesa Arenan  bizi izan genuena! 25 pertsona joan ginen M.U.tik, bazirudien ez zela hain zaila zen sailkapena lortuko. Partidua amaitzear zegoela pabilioitik jendea joaten hasi zen, jada galduta zegoen partidua, hala ere, 3 minutu eskasetan partiduak 180º tako buelta eman zuen. LEKeko, gure bailarako eskola kiroleko 300 neska mutikoak saltoka eta dantzaka taldea animatuz, sekulako giroa pabilioilan…

Hemen daukazue atzoko bideoaren laburpena atzoko emozioak gogoratzeko.

Caja Laboral- Cibona de Zagreb (10-3-11 BIDEOA)

Ea CSKren aurkako partidurako sarrerak lortzerik daukagun!!

Aurtengoa Lilatoiaren 21.edizioa izango da. Jada bi hamarkada pasa dira gipuzkoako emakumeak errepidera atera eta 5km korrika igarotzen dituztela martxoko lehenengo igandean. Emakumeak soilik hartzen du parte lasterketa herrikoi honetan, 16 urtetik gorako emakumezkoak. Zergatik? emakumeak jarduera fisikoa eta osasuna ere egiten duela aldarrikatu eta bultzatzeko. Izan ere, tamalez, desberdintasun haundia dago jarduera fisikoa eta kirola egiten duten emakume eta gizonezkoen kopuruen artean.

21. edizioa da, eta aurtengoan bigarren aldiz patinen gaineko lasterketa ere egingo dute emakumeek. Lehenengo edizioan 130 partehartzaile izan ziren Donostiako kaleetan iazkoan, aldiz, 1264 elkartu ziren.

Lilatoia da Euskal Herrian ezaguna den lasterketa hala ere, badiraideia honekin ospatzen diren beste lasterketa batzuk ere.

Lilatoia

Carrera de la mujer

Takarraran

Aurtengo negua elurtxua ari da izaten. Kosta zitzaion, baina hotza heldu zen eta berarekin batera batzuentzat hain preziatua den elurra. Gustoko ditugu paisaiak elurtuta  zuri-zuri daudenean, ez ordea errepideak elurrez, laban-laban ditugunean. Hala ere, neguak hotza izan behar duela deritzot eta elurra baldin badakar nigatik askoz hobe, hain gustoko dudan kirola egin daiteke eta!

Aurtengoan irteera bat egin dugu, Frantziako St. Lary estaziora. 100km eskiatzeko, primerako elurra, sekulako eguraldia eta estazioa guretzat. Hona hemen estazioak denboraldi hasieran sortutako aurkezpen bideo bat.

St. Lary 08/09 estazioko irekiera bideoa

Hortzak luzatu bazaizkizu, martxoan beste bi irteera egingo ditugu, badakizu nora etorri; Kirol Zerbitzura!!