Kirol Zerbitzua

BOZKATU LOGOTIPO LEHIAKETAN

kirolak07 — Fri, 21 Nov 2008 16:26:58 +0000

Hiru urtean behin, MUko Kirol Zerbitzuari Euskadiko Unibertsitate Kiroleko Txapelketa antolatzea egokitzen zaio eta txapelketa honetan erabiliko duen logotipoa lehiaketara ateratzen du. Lehiaketara aurkeztu diren logotipo guztiak http://www.mondragon.edu/kirolak/zer-egin-dezakegu/beste-batzuk webgunean izango dituzu ikusgai eta blog honetan gehien gustatu zaizun logotipoari bozkatzeko aukera izango duzu.

Informazio gehiago edo parte hartu nahi baduzu, egin klik hemen.

Animatu, irabazlearentzat 150€ko saria daukagu eta!

GEPko 30 ikasle inguru egon dira Gasteizko Bi-Bultz kartingean

kirolak07 — Mon, 17 Nov 2008 10:17:53 +0000

Ikasturte hasieratik, GEPko 3 mutil talde animatu dira Gasteizko Bi-Bultz kartingera joaten eta bertan lagunekin lehiatzeko aukera izan dute. Ikasleek bertan aritzeko Kirol Zerbitzutik laguntzak jasotzen dituzte, jarduera ezberdinak sustatzea Kirol Zerbitzuko helburutariko bat delako.

Egokia dirudizu jarduera ezberdinak sustatzea? Beste ekintzarik gustatzen zaizu?

REAL MADRID vs REAL UNION

kirolak07 — Fri, 14 Nov 2008 17:59:29 +0000

Azaroak 11, asteartea egun haundia izan zen Irundarrentzat. Real Union talde apalak, Real Madrid taldeerraldoia kanporatu baitzuen Errege Kopan.

Han izan ziren M.U.ko BIDASOAko 20 bat zaletu bufanda eta guzti beraien taldea animatuz.

Ea hurrengo kanporaketa noren aurka jokatu behar duen.

AUPA REAL UNION!!!

EZFko BARNE TXAPELKETA MARTXAN

kirolak07 — Fri, 14 Nov 2008 17:54:12 +0000

EZFko ETEOko barne txapelketak martxan dira jadanik. Txapelketak bi txandatan banatuko dira. Banakako zein bikoteko txapelketak lehen fase batean eta talde kiroleko txapelketak bigarren fase batean.

Aurten izango ditugun txapelketak honako hauek dira:

1. Banaka zein bikoteko txapelketak:

- Esku Pilota

- Pala

- Tenis

- Squash

- Frontenis

2. Talde kirol txapelketak

- Areto futbola

- Saskibaloia 3×3

DATORREN ASTEAN LOGOTIPO LEHIAKETA HASIKO DA!

kirolak07 — Fri, 14 Nov 2008 16:49:11 +0000

Hiru urtean behin Euskadiko unibertsitate arteko kirol txapelketa antolatzea tokatzen zaio Mondragon Unibertsitaeari eta txapelketa horretarako logotipo bat behar da. Arrazoi horregatik logotipo lehiaketa bat zabaltzea erabaki dugu datorren astean hasi eta abenduaren 12a bitartean, badakigulako irudimen handiko artista ugari zaudetela unibertsitate honetan. Irabazlea saritua izango da 150€rekin eta gainera txapelketak bere logotipoa eramango du. Hau gutxi balitz, http://www.mondragon.edu/kirolak orrian ikusgai izango dituzu aurkeztuko diren logoak eta blog honetan berriz, gehien gustatu zaizunari bozkatzeko aukera.

150€ko saria nahi dituzu? ba parte hartu ezkero aukerak dituzu irabazteko! baina parte hartu ezean…zaila!

Animatu zaitez, saiatzeak pena merezi du eta!

“MI-TXINA”, HUHEZIko ARETO FUTBOL MUTILEN GARAILEAK

kirolak07 — Tue, 11 Nov 2008 17:24:15 +0000

Mondragon Unibertsitateak Eskoriatzan duen Humanitate eta Hezkuntza Zientzien Fakultatean (HUHEZI) jokatu den mutilen areto futbol txapelketan Mi-Txina taldea izan da 2008-2009 ikasturteko neguko barne txapelketako garailea. Aurten, hiru taldek hartu dute parte mutilen neguko txapelketa honetan eta gogor borrokatu behar izan dute garaipena lortzeko.

Honenbestean, Forum-en gastatzeko 30€ko bale bana emango die kirol zerbitzuak garaileei edo bestela, kopuru berdinagatik afari bat.

Gainera, MU mailan Arrasate eta Oñatiko nesken areto futbol garaileen aurka jokatzeko aukera izango dute!

Mezuren bat utzi nahi badiezu, idatzi hemen.

Nire partetik, ZORIONAK MI-TXINA!!

GOI ESKOLA POLITEKNIKAKO BARNE TXAPELKETAK 08/09

kirolak07 — Fri, 07 Nov 2008 16:11:57 +0000

MU-ko fakultate handiena den Goi eskola politeknikoak aste honetan jarri ditu martxan barne txapelketak, eta urtero bezala lehia handia izango da bertan.

Nork eskuratuko du ordainsaria eta MU fakultate arteko txapelketan jokatzeko aukera?

Eman zure iritzia !

“THE KILLERS”, HUHEZIko ARETO FUTBOL NESKEN GARAILEAK

kirolak07 — Wed, 05 Nov 2008 17:22:03 +0000

HUHEZI fakultatean jokatu den neguko barne txapelketako areto futbol nesken garailea “The Killers” taldea izan da joan zen asteartean “Krixpin”-i 0-5eko markagailuarekin garaitu ostean. Bi partidu nahikoa izan ditu barne txapelketa irabazteko. Lehenengoa 4-3 ko emaitzarekin justu-justuan garaitu zuen aurkaria baina bigarren partida aisa irabazi zuen. Honenbestean, Forum-en gastatzeko 30€ko bale bana emango die kirol zerbitzuak garaileei edo bestela, kopuru berdinagatik afari bat.

Gainera, MU mailan Arrasate eta Oñatiko nesken areto futbol garaileen aurka jokatzeko aukera izango dute!

Zorionak THE KILLERS!!

Areto futbola neskak (artxiboko irudia)

BIGARREN ESKUKO KIROL MATERIAL AZOKA

kirolak07 — Tue, 28 Oct 2008 12:05:40 +0000

Nahiz eta pasa den ikasturterako material azoka hau erdi martxan zegoen, 08-09 ikasturte hasierarako funtzionamendu osoan jarri dugu. Dakizuen bezala, Mondragon Unibertsitatearen web orrialdean, kirol zerbitzuaren atalean izango duzue aukera kirol material hori saldu, erosi edota trukatzeko.

Zerbitzu berri honen inguruan zuen iritzia behar dugu…

- Ideia ona iruditzen al zaizu etxean daukagun eta erabiltzen ez dugun kirol material hori saltzeko edo trukatzeko aukera ematea Unibertsitateak?

- Interesatzen zaizun kirol material hori ikusgai balego web orrialdean, erosiko zenuke?

MUko IKASTAROAK MARTXAN

kirolak07 — Tue, 28 Oct 2008 11:28:11 +0000

Kirol Zerbitzuak, MUko ikasle eta langile guztientzako MASAJE eta DEFENTSA PERTSONALA IKASTAROAK jarri ditu martxan. Interesgarriak iruditzen zaizkizu ikastaro hauek? Zein ikastaro eskeini beharko luke Kirol Zerbitzuak?

defentsa-pertsonala-kartela

masaje-kartela